Ftesë: Panairi “Ditët e Bujqësisë 2023”

Austria Praemix (AP) ka kënaqësinë t’ju ftojë në Panairin Ndërkombëtar për Bujqësinë e Qëndrueshme, Blegtorinë, Peshkimin dhe Inovacionin “Ditët e Bujqësisë 2023”, i cili do të organizohet në datat 27-29 Prill në qytetin e Lushnjës.

Dëshirojmë t’ju ftojmë që të jeni prezentë në Referatin me temë: “Inovacioni dhe menaxhimi efektiv i fermave blegtorale”. DI. Bianca Duro-Spernbauer

Të premten, datë 28 Prill
Ora 09:15

Stenda Nr. 32

AP ushtron prej më shumë se dy dekadash aktivitetin e saj në Shqipëri dhe Kosovë. Kompania ofron për fermat blegtorale shërbime dhe produkte austriake dhe gjermane të cilat mundësojnë ferma të suksesshme, të gjitha nën moton “Sukses në stallë!”.

Austria Praemix sjell teknologjitë inovative të standardeve europiane për të ushqyerit e kafshëve por edhe një gamë të gjerë produktesh të tjera si: pajisje për stalla dhe makineri bujqësore, gjenetikë të avancuar për prodhimin shtazor, teknikat moderne në përmirësimin racor si edhe një koncept të plotë për menaxhimin efektiv të fermave, në mënyrë që fermerët shqiptarë të përfitojnë fjalën e fundit të shkencës apo teknikës.

AP do të jetë prezente në panair përgjatë 3 ditëve 27, 28 dhe 29 Prill. Pranë Stendës së Austria Praemix vizitorët do të informohen hollësisht nga ekspertët tanë mbi proceset e punës në një fermë bashkëkohore dhe teknologjitë më të fundit të aplikuara në të.

Ne zhvillojmë vazhdimisht trajnime me tematika të ndryshme, të cilët kanë si synim ngritjen e nivelit të njohurive tek specialistët e blegtorisë dhe fermerët. Gjatë panairit konsuletët tanë do të jenë të pranishëm për konsultime falas me të gjithë bizneset, fermerët apo individët e interesuar.

Ju rikujtojmë se ne jemi pranë jush edhe përmes rrjeteve sociale dhe buletinit të përjavshëm, nëse nuk jeni abonuar ende ju ftojmë të abonoheni përmes web-it tonë, për të marrë të rejat më të fundit në fushën e blegtorisë.

Ju mirëpresim,

Stafi i Austria Praemix